Peruda silahlı şəxslər şaxtaçılara atəş açdı - Ölənlər var

Gündəm / Sosial
3-12-2023, 10:20
Peruda silahlı şəxslər şaxtaçılara atəş açdı - Ölənlər var
Perunun Patas əyalətində silahlı şəxslərin hücumu nəticəsində 9 nəfər ölüb, 15 nəfər yaralanıb.

Bu barədə ölkənin Daxili İşlər Nazirliyi məlumat yayıb.

"Bu gün, dekabrın 2-də təxminən saat 01:00-da bir qrup silahlı cinayətkar Libertad vilayətinin Patas əyalətində yerləşən Poderosa mədən şirkətinin obyektlərinə daxil olub və silahlı toqquşma baş verib. Şirkətin mühafizəsi və 4 nəfər girov götürülüb”, - məlumatda deyilir.

Məlumata görə, cinayətkarlar partlayıcı qurğunu mədənə atıblar. Nəticədə 9 nəfər ölüb, 15 nəfər yaralanıb. "Milli polis vəziyyəti nəzarətə götürüb. İndiyədək cinayət törətdiyi güman edilən 7 nəfər saxlanılıb, silah-sursat götürülüb", - nazirlikdən bildirilib.

RPP radiostansiyasının məlumatına görə , hücumun təşkilində "Tren de Araqua” cinayətkar qruplaşması şübhəli bilinir.