"Şəhidlər Ölməz, Vətən Bölünməz"adlı layihənin təqdimatı keçirildi.
Gündəm / Mədəniyyət
22-11-2020, 17:55
20 Noyabr YAP-nın Yasamal rayon təşkilatında "Şəhidlər Ölməz, Vətən
Bölünməz” adlı layihənin media nümayəndələrinə təqdimatı keçirildi. Layihənin
rəhbərləri ARİ-nın üzvləri, rəssam, sərgi-tədbir təşkilatçıları Elnurə və Aygün
İsgəndərovalar saytımıza verdikləri müsahibədə bizə bildirdilər ki, layihənin
təşkilatçıları Azərbaycan Respublikası Səfərbərlik və Hərbi Xidmətə Çağırış üzrə
Dövlət Xidməti və Tərxis Olunmuş Hərbçilərin Gəncləri Maarifləndirmə İctimai
Birliyidir.
Təqdimatda rəssam, ARİ-nın üzvü, Qarabağ veteranı Şəmsəddin Böyükdüzlünün
şəhidlərimizin əziz xatirəsinə həsr olunmuş 40 portreti təqdim olundu. Çıxış
edənlərdən YAP Yasamal rayon təşkilatının sədri cənab Tağı Əhmədov bugünkü
layihənin 20 noyabr tarixində Ağdam rayonunun Ali Baş Komandanımızın
rəhbərliyi altında işğaldan azad olunması və 28 il öncə Ulu Öndər Heydər
Əliyevin rəhbərliyi ilə YAP-nın yaranma tarixində təqdim olunması
təqdirəlayiqdir. Şəhidlərimizin əziz xatirəsinə həsr olunmuş layihələri ilə hər
zaman gənclərimizin Azərbaycançılıq idealogiasında, vətənpərvərlik ruhunda
yetişməsində əvəzsiz rolu olan Elnurə və Aygün İsgəndərovalara və portretlərin
müəllifi Şəmsəddin Böyükdüzlüyə uğurlar arzuladı.
TOHGM İB-nin sədri Emin Həsənli və şəhidlərin ailə üzvləri xalqımızın zəfər
bayramında payları olan şəhidlərimizin belə bir gündə anılması, portretlərinin
onlara hədiyyə olunmasının gözəl təşəbüss olduğunu bildirdilər. Xatırladaq ki,
portretlər mərhələli şəkildə şəhidlərimizin ailə üzvlərinə hədiyyə olunmas və eləcə
də layihənin davamlı olaraq həyata keçirilməsi nəzərdə tutulur.