Qaynarxətt: (+99470) 997 11 77
«    Mart 2019    »
BeÇaÇCaCŞB
 123
45678910
11121314151617
18192021222324
25262728293031
14-03-2019, 15:38 Oxunub: 25

Görkəmli kinorejissor Tofiq Tağızadənin yaradıcılıq otağının açılışı olub

Görkəmli kinorejissor Tofiq Tağızadənin yaradıcılıq otağının açılışı olub
 

Martın 14-də Cəfər Cabbarlı adına "Azərbaycanfilm” Kinostudiyasında kino sənətinin görkəmli nümayəndəsi, kinorejissor, Xalq artisti Tofiq Tağızadənin 100 illiyi münasibətilə sənətkarın vaxtilə çalışdığı yaradıcılıq otağının açılışı olub.

AZƏRTAC xəbər verir ki, açılış mərasimində respublikanın tanınmış mədəniyyət və incəsənət xadimləri, sənətsevərlər və rejissorun ailə üzvləri iştirak ediblər.

Mərasimdə çıxış edən "Azərbaycanfilm” kinostudiyasının direktoru, Əməkdar incəsənət xadimi Müşfiq Hətəmov bildirib ki, görkəmli sənətkarları yad etmək çox böyük şərəfdir.

"Kinostudiyanın hər bir qarışı, hər bir otağı kino tariximizi özündə yaşadan xatirələrlə zəngindir. Bu gün tədbirdə korifey sənətkarlarımız iştirak edirlər. Bəzən belə bir sualla müraciət edilər ki, bu yaradıcılıq otaqlarının yaradılmasının əhəmiyyəti nədir? Köhnə binada bu layihələrin həyata keçirilməsinə nə ehtiyac var? Vaxtilə görkəmli sənətkarların çalışdığı kinostudiya həm bir tarix, həm də gənc nəsil kinematoqrafçılar üçün örnək məkandır. Elə bu səbəbdən də vaxtilə bu binada çalışmış unudulmaz, korifey kino xadimlərimizin xatirəsini əbədiləşdirmək qərarına gəldik. Bu insanların Azərbaycan kinosunda xüsusi xidmətləri var və biz bu ənənəni davam etdirəcəyik”, - deyə M. Hətəmov söyləyib.

Azərbaycan Respublikası Kinematoqrafçılar İttifaqının sədri, Xalq artisti Şəfiqə Məmmədova layihənin təşəbbüskarlarına təşəkkür edib. Deyib ki, bu işin ənənəyə çevrilməsi, korifey ustadların çalışdığı otaqların bərpa olunması gələcək üçün tarixdir: "Bu gün kinostudiyanın dəhlizlərində bu sənətkarların ruhu və əziz xatirələri yaşayır. Bu otaqda da həmişə xoş xatirələr anılacaq”.

Xalq artisti, rejissor Oqtay Mirqasımov Tofiq Tağızadə ilə bağlı xatirələrini bölüşüb: "Mən onunla birlikdə uzun müddət çalışmışam. Daha erkən yaşlarımdan bu gözəl insanla ünsiyyətdə oldum. Onun çox yüksək insani keyfiyyətləri mənim üçün bir məktəb idi. Bu gün xarakterimdə ondan öyrəndiklərimin də təsiri var. O, təbiətən rejissor idi. Əsl rejissor qəribə olmalıdır. Onda bu qəribəliklər vardı. Ustadım hər zaman məğrur və iradəli idi”.

Tofiq Tağızadənin rejissoru olduğu "Yeddi oğul istərəm” filminin aktyorları Xalq artistləri Əbdül Mahmudov, Ənvər Həsənov, Rafiq Əzimov və başqaları qeyd ediblər ki, böyük sənətkarlar öz yaradıcılıqları ilə özlərinə əbədi heykəl qoyurlar. Tofiq müəllim də öz filmləri ilə həm kino tariximizdə, həm də tamaşaçı qəlbində iz qoyan rejissorlardandır.

Aktyorlar kinostudiyanın layihəsinə və ölkə rəhbərliyi tərəfindən son günlərdə kino sahəsinə ayrılan diqqətə görə minnətdarlıqlarını ifadə ediblər. Bildiriblər ki, Azərbaycan kinosu daim yaşayacaq və bu sənətdə iz qoyan sənətkarların məktəbi gənc nəsil tərəfindən ləyaqətlə davam etdiriləcək.

Vurğulanıb ki, rejissorun 100 illik yubileyi ilə bağlı Mədəniyyət Nazirliyi və Bakı Şəhər Mədəniyyət Baş İdarəsi tərəfindən silsilə tədbirlər keçirilir.

Sonda sənətkarın ailəsi adından Əməkdar artist Firdovsi Atakişiyev çıxış edərək rejissorun xatirəsini əbədiləşdirilməsi istiqamətində göstərdiyi diqqətə görə, kinostudiyanın rəhbərliyinə təşəkkür edib. Ailə arxivindən dahi bəstəkar Qara Qarayevin vaxtilə "Uzaq sahillərdə” filmi üçün bəstələdiyi "Bakı haqqında” mahnısının not əlyazmasını yaradıcılıq otağına hədiyyə edib

XƏBƏR LENTİ
11:26 | Kəmaləddin Heydərov və icra başçısı HADİSƏ YERİNDƏ - YENİLƏNİB 11:24 | “Yeni Həyat”dan şikayət: Prezident ailəsinin adından istifadə edən şirkət əslində kimindir? 11:21 | Problemli kreditlərlə bağlı VACİB XƏBƏR!! 11:18 | Timoşenko etiraf etdi: Krımı qaytara bilməyəcəyəm... 11:16 | Bakı Şəhər İcra Hakimiyyətindən AÇIQLAMA 11:08 | İki saatdır söndürülə bilməyən “Diqlas” Ticarət Mərkəzindən son görüntülər – DƏHŞƏTLİ VİDEO 23:42 | “Yeni Həyat”dan şikayət: Prezident ailəsinin adından istifadə edən şirkət əslində kimindir? 15:57 | “Prezidentə acınacaqlı vəziyyət haqda danışacağam” - Faiq Ağayev 15:49 | Türkiyədə son 12 saatda ikinci zəlzələ 15:43 | İran dəyişiklik ərəfəsində: Dini liderin xalq tərəfindən seçilməsi tələb olunur 15:40 | Uşaq evdə sünnət zamanı öldü, valideynləri həbs olundu 15:35 | “Meydan TV”-nin rəhbəri Emin Milli Əli İnsanovu üzr istəməyə çağırdı 15:32 | Sabah hava belə olacaq - Proqnoz açıqlandı 15:27 | Hərbiçiləri aparan avtobus qəzaya düşüb - ölən və yaralanan var 15:23 | Ermənistanda bunt qaldıran əsgərləri Qarabağa sürgün etdilər 15:19 | Azərbaycanda kilosu 170 manata ət satılır 15:15 | İlham Əliyevdən çox mühüm sərəncam 14:00 | "Neftçi"nin çempion olacağına dair mənə heç nə deyilməyib" — Qurban Qurbanov 13:30 | Tramp İŞİD üzərində qələbə çaldığını elan etdi, amma… 13:00 | Ermənistanda analar əsgərlərin Dağlıq Qarabağa göndərilməsinə qarşı etiraz aksiyası keçiriblər 12:30 | Qəşəm Nəcəfzadə oğlu barədə: “Tezliklə öləcəyəm, Kəraməti tabutuma yaxın buraxmayın – “FOTO 12:00 | İslamı qəbul edən dünya ulduzu — “Allah məni mükafatlandırdı”