Qaynarxətt: (+99470) 997 11 77
«    Noyabr 2019    »
BeÇaÇCaCŞB
 123
45678910
11121314151617
18192021222324
252627282930 
2-03-2019, 16:35 Oxunub: 102

Tramp-Kim Çen görüşünün fiaskosunun SƏBƏBİ

Tramp-Kim Çen görüşünün fiaskosunun SƏBƏBİ

Şimali Koreya ilə ABŞ-ın siyasi oyunu sözün əsl mənasında şounu xatırladırdı.

Milli.Az bildirir ki, bu sözləri Axar.az-a ABŞ və Şimali Koreya liderləri arasındakı görüşün nəticəsiz bitməsi ilə bağlı danışan politoloq Tofiq Abbasov deyib. Politoloq görüşün nəticəsiz bitməsindən təəccüblənmədiyini deyib:

"Şimali Koreya ilə ABŞ-ın siyasi oyunu sözün əsl mənasında şounu xatırladırdı. Çünki burada əməlli-başlı ictimai fikri yayındırmaq, siyasi xal qazanmaq, eləcə də açıq-aşkar görünən boşluqları saxta məzmunla doldurmaq cəhdləri özünü büruzə verirdi. Birincisi, əlbəttə ki, iki düşmən dövlətin təmas qurması təqdirəlayiqdir. Biri var hər iki düşmən məqam düşən kimi bir-birinə məhvedici zərbəyə hərbi hazırlıqlar görsün, biri də var ki, gərginlik bir qədər yumşalsın. Trampa qədər Obama da Kuba ilə bənzər oyunu oynadı, səfirliklər açıldı, ABŞ-ın bayrağı Havanada, Kubanın bayrağı isə Vaşinqtonda qalxdı. Buna baxmayaraq, heç nə dəyişmədi, düşmənçilik hələ davam edir və sanksiyalar öz qüvvəsini saxlayır. Obamanın ardınca isə Tramp Yaxın Şərq problemini çözməyə cəhd etdi. Çünki regionda ziddiyyətlər var və əsas məsuliyyət ABŞ-ın diplomatiyasının üzərindədir. Tramp buna görə İranla nüvə proqramına dair sazişdən çıxdı və Tehranla danışıqlara hazır olduğunu bildirdi. Ancaq İran belə bir təşəbbüsə qol qoymadı. Fikir verin, ABŞ indi də Şimali Koreyanın planlarına çox orijinal bir yolla müdaxilə etməyə, bu ölkəni Çinin təsirindən çıxarmağa çalışır. Bu, çoxgedişli bir oyundur və bu oyun Şimali Koreya rejiminin məhvini, iki Koreyanın birləşməsini Vaşinqtonun siyasi uğurlar siyahısına daxil etməyi hədəfləyir".

Politoloq vurğulayıb ki, ABŞ-ın Şimali Koreyanı boş vədlərlə yolundan azdırmaq, fərqli bir istiqamətdən tələyə salmaq cəhdləri əsla baş tutmayacaq:

 

"Baxın, vaxtilə ABŞ və Qərb dövlətləri Qəzzafini nüvə proqramından yayındırmaqla onun sonunu gətirdilər. Ancaq Qəzzafidən fərqli olaraq Şimali Koreya rejimi onun üzərində oynanılan oyunun fərqindədir. Digər tərəfdən vaxtilə Şimali Koreyanın iqtisadi vəziyyəti çox gözlənilməz bir məqamda təbii fəlakətlər ucbatından pisləşəndə və aclıq bütün xalqın baş üzərini alanda nədənsə ABŞ yox idi. Şimali Koreyanın yanında Çin, Rusiya və bir neçə üçüncü dövlət var idi. Bu baxımdan da Hanoy görüşü fiaskoya uğradı".

Qeyd edək ki, dünən Hanoyda ABŞ və Şimali Koreya liderlərinin görüşündə heç bir nəticə əldə edilməyib. Pxenyanın nüvə və qitələrarası ballistik raket sınaqlarını dayandırmağa söz verdiyini deyən Şimali Koreya Xarici İşlər naziri Ri Yonq Vaşinqtonun bəlkə də bir daha reallaşmayacaq əhəmiyyətli bir fürsəti əldən qaçırdığını vurğulayıb.