22 Noyabr 2020, Bazar
14 yan 2021, 15:22 | Gündəm / Siyasət
Pakistan prezidenti: “Azərbaycanın ərazi bütövlüyünü dəstəkləyirik” - YENİLƏNİB + VİDEO

Pakistan prezidenti: “Azərbaycanın ərazi bütövlüyünü dəstəkləyirik” - YENİLƏNİB + VİDEO

 



Pakistana rəsmi səfəri çərçivəsində 14 yanvar 2021-ci il tarixində xarici işlər naziri Ceyhun Bayramov Pakistan İslam Respublikasının Prezidenti Arif Alvi ilə görüşüb.

Bu barədə Xarici İşlər Nazirliyi məlumat yayıb.

Pakistan Prezidenti Arif Alvi Azərbaycan Respublikasının Prezidenti İlham Əliyevə səmimi salamlarını çatdırıb və Azərbaycan dövlət başçısını Pakistanda qəbul etməkdən məmnunluq duyacağını bildirib. O, Azərbaycanın ərazilərinin işğaldan azad olunması və əldə olunan Qələbə münasibətilə təbrik edib.

Arif Alvi Qoşulma Hərəkatının Bakıda keçirilən dövlət və hökumət başçılarının Zirvə toplantısında iştirakını və bu zaman Azərbaycan Respublikasının Prezidenti ilə görüşünü xatırlayaraq, Azərbaycan dövlət başçısının uzaqgörən siyasətçi olduğunu xüsusilə vurğulayıb.

Hər iki ölkənin regional münaqişələrin beynəlxalq hüququn prinsipləri əsasında həllinə dair mövqeləri və bu xüsusda nümayiş olunan qarşılıqlı dəstək qeyd olunub. Pakistan Prezidenti, həmçinin ölkələrimiz arasında ikitərəfli münasibətlərin inkişafı, o cümlədən iqtisadi, ticarət və digər sahələrdə əməkdaşlığın daha da genişləndirilməsinin vacibliyini vurğulayıb.

Ceyhun Bayramov, öz növbəsində Azərbaycan Respublikasının Prezidenti İlham Əliyevin səmimi salamlarını Pakistan dövlət başçısının diqqətinə çatdırıb. Pakistanın Azərbaycanın beynəlxalq hüquqa və ədalətə əsaslanan mövqeyinə verdiyi dəstəyi vurğulayan nazir, xüsusilə 44 günlük Vətən müharibəsi dövründə dost və qardaş ölkə Pakistanın nümayiş etdirdiyi birmənalı dəstəyə görə qarşı tərəfə təşəkkürünü ifadə edib.

Azərbaycanın Cammu və Kəşmir məsələsinin beynəlxalq hüquq norma və prinsipləri, həmçinin BMT TŞ qətnamələri əsasında həllini dəstəklədiyi və İslam Əməkdaşlıq Təşkilatının müvafiq kontakt qrupu çərçivəsində iştirakımız qeyd olunub.

Azərbaycanın işğal edilmiş ərazilərində bərpa və reabilitasiya işlərinin həyata keçirilməsindən bəhs edən Ceyhun Bayramov hazırkı mərhələdə dost ölkələrin bu fəaliyyətə cəlb oluna biləcəyini qeyd edib.

Görüşdə tərəflər ikitərəfli əməkdaşlığın gələcəkdə daha da inkişaf etdirilməsi üzrə qətiyyətli olduqlarını ifadə ediblər.

14:54

Pakistan Azərbaycanın ərazi bütövlüyünü dəstəkləyir.

"Radio Pakistan” dövlət agentliyinin məlumatına görə, bu sözləri Pakistan İslam Respublikasının Prezidenti Arif Alvi İslamabadda Azərbaycanın Xarici İşlər naziri Ceyhun Bayramovla görüşü zamanı deyib.

Dövlət başçısı Dağlıq Qarabağın azad edilməsi münasibətilə Azərbaycan hökumətini və xalqını təbrik edib. O, Pakistanın Azərbaycanla ortaq inanc və mədəni əlaqələrə söykənən əlaqələrini yüksək qiymətləndirdiyini vurğulayıb, ikitərəfli əmtəə dövriyyəsinin artırılması, həmçinin mədəni və ticari əlaqələrin daha da genişləndirilməsinin zəruriliyini qeyd edib.
<iframe src='https://player.baku.tv/embed/31978' width='560' height='315' frameborder='0' allow='autoplay; encrypted-media' allowfullscreen></iframe>
Azərbaycanın xarici işlər naziri öz növbəsində hər iki ölkənin ticarət və mədəni əməkdaşlığı genişləndirmək üçün böyük potensiala sahib olduğunu bildirib.

Ceyhun Bayramov Azərbaycanın Dağlıq Qarabağla bağlı mövqeyini dəstəklədiyinə görə Pakistana təşəkkür edib. O, ölkəsinin bütün beynəlxalq forumlarda Kəşmir məsələsində Pakistanı dəstəkləməyə davam edəcəyini bildirib.

Türkiyədə koronavirusla bağlı rəqəmlər artır 27 yan 2021, 22:55 Bill Qeyts: “Növbəti pandemiya on dəfə daha ağır ola bilər” 27 yan 2021, 22:44 Birinci kurs tələbəsi dəm qazından öldü 27 yan 2021, 22:21 Mikayıl Cabbarovdan SOCAR-la bağlı - Açıqlama 27 yan 2021, 18:48 Məsut Özil “Fənərbaxça”da təqdimatı zamanı Azərbaycana dəstəyini bildirdi - VİDEO 27 yan 2021, 18:30 Prezidentdən QHT-lərlə bağlı FƏRMAN 27 yan 2021, 17:52 Putin “Davos həftəsi”ndə Qarabağla bağlı bəyanatdan danışdı 27 yan 2021, 17:35 Parlamentin İntizam komissiyası toplandı 27 yan 2021, 17:20 Azərbaycanda daha beş nəfər koronavirusdan öldü: 226 yeni yoluxma - FOTO 27 yan 2021, 17:02 Prezident: “Hədəfimiz Qarabağın tacı olan Şuşa idi” 27 yan 2021, 16:58 Moskvada hərəkətdə olan avtobus qəfil alovlara büründü - VİDEO 27 yan 2021, 14:50 Prezident: “Şuşaya yad olan hər hansı bir tikiliyə yol vermək olmaz” 27 yan 2021, 14:31 İlham Əliyev Aydın Kərimovu qəbul etdi - CANLI YAYIM 27 yan 2021, 14:17 Sabahın hava proqnozu 27 yan 2021, 14:06 Putinlə Baydenin danışığı nəticəli oldu: - Vaşinqton Moskvanın şərtlərini qəbul etdi 27 yan 2021, 13:53 Ənənəvi dərslər 15 gün müddətinə açılır? - AÇIQLAMA 27 yan 2021, 13:35 İlham Əliyev Şuşaya xüsusi nümayəndə təyin etdi - SƏRƏNCAM 27 yan 2021, 13:18 Nazirlik rəsmisindən ibtidai siniflərdə əyani təhsillə bağlı AÇIQLAMA 27 yan 2021, 12:47 Məktəblərdə qış tətili başladı 27 yan 2021, 12:06 Məktəblərdə qış tətili başladı 27 yan 2021, 12:05 Milli Məclis xaricdəki azərbaycanlılarla bağlı qanun layihəsi hazırlayır - ÖZƏL 27 yan 2021, 11:54 2020-ci il üzrə güzəştli şərtlərlə verilən orta aylıq pensiya məbləği AÇIQLANDI 27 yan 2021, 11:28 Şahmar Mövsümov yeni naziri kollektivə təqdim etdi 27 yan 2021, 10:26 Fərman İsmayılovun nəşi Azərbaycana yola salındı 27 yan 2021, 10:08 Müəllim olmaq istəyənlərin NƏZƏRİNƏ: Son gündür 27 yan 2021, 09:38