Xırdalanda avtomobil vuran iki məktəblidən XƏBƏR VAR

Təhsil Nazirliyi Abşeronda iki məktəblini maşın vurması ilə bağlı açıqlama yayıb. 

Oxu.Az-ın məlumatına görə, bununla bağlı Təhsil Nazirliyinin İctimayyətlə Əlaqələr şöbəsinin müdiri Cəsarət Valehov danışıb. 

Onun sözlərinə görə, Xırdalan şəhər 1 nömrəli tam orta məktəbin səkkizinci sinif şagirdləri Alsu Səbzəliyeva və Fidan Orucovanı məktəbə gedərəkən minik avtomobili vurub:

"Şagirdlərin hər ikisi ağır bədən xəsarəti ilə 1 saylı Kliniki Tibbi Mərkəzə çatdırılıblar. Hazırda isə müalicələrini "Bakı City Hospital”da davam etdirirlər. Təhsil Nazirliyinin rəhbərliyinin tapşırığı ilə şagirdlərimizə xəstəxanada baş çəkdik”.